اسلام آباد۔26جولائی (اے پی پی): دری کارانی وزیر بلاول بھٹو زرداری ءُ روسی فیڈریشنءِ دری کارانی وزیر سرگئی لاوروف ءِ نیام ءَ چارشمبے ءِ روچءَ ٹیلیفونک گپء ُ تران بوتگ۔ دری کارانی کارگس ءِ جارچین ءِ نیمگءَ چہ شنگ کتگیں بیان ءِ ردءَ دوئیں در ی کارانی وزیر آں بازیں دونیمگی پڑآں گیش بوتگیں کمک ءِ سرءَ ھیال ءُ لیکہ ءِ درشانی کتگ۔ اے موہ ءَ دری کارانی وزیرءَ روسی دری کارانی ءَ را پاکستان ءِ ترء ُ تاب کنگءِ دعوت ہم داتگ۔ دوئیں وزیر آں بلیک سی گرین انیشی ایٹو (بی ایس جی آئی) ءِ سرءَ ہم ھیالء ُ لیکہ ءِ درشانی کتگ۔ دری کارانی وزیر بلاول بھٹو زرداریءَ روسی دری کارانی وزیر ءَ را یوکرین ء ُ ترکی ءِ دری کارانی وزیر، امریکی دری کارانی وزیر ء ُ یورپی یونین ءِ مزنیں نمائندگانی گوما بی ایس جی آئی ءِ سرءَ گپ ء ُتران ءَ چہ سرپد کتگ۔ دری کارانی وزیر سرگئی لاوروف ء َ اے جیڑہ ءِ سرءَ روس ءِ لیکہ ءِ درشانی کتگ۔ دوئیں دری کارانی وزیر آں اے جیڑہ ء ِ سرءَ گیشیں نزیکی کنگءِ سرءَ تپاک کتگ۔
