اسلام آباد۔26جولائی (اے پی پی): مزن وزیر محمد شہبا زشریف ءَ مخلوط حکومت ءِ 4آر فریم ورک ءِ ردءَ ہارءِ آماچیں دمگانی بحالی ء ُ نوک جوڑ کنگءِ جزم ءِ درشانی کتگ۔ چارشمبے ءِ روچءَ وتی ٹویٹءِ تہا آئی ء َ گشتگ کہ گوستگیں روچءَ میاں اوستمانی پارٹنرز سپورٹ گروپ ءِ سئمی دیوان ءِ سروکی کتگ کہ آئی ءِ تہا ہارءِ آماچیں دمگانی بحالی ء ُ نوک جوڑ کنگءِ چارء ُ تپاسی کنگ بوتگ۔ گروپ ءِ دیوان کہ جینوا ءَ ریزیلیئنٹ پاکستان کانفرنس ءَ پد جوڑ کنگ بوتگ۔ مزن وزیر ءَ گشتگ کہ وتی گوشتانک ءِ تہا کہ ریزیلیئنٹ ، ریکوری، ری ہیبیلی ٹیشن اینڈ ری کنسٹرکشن فریم ورک ( 4 آر ایف ) ءِ ردءَ یک رندے پدا گہتر جوڑ کنگءِ ھاترءَ مخلوط حکومت ءِ جزم ءِ درشانی کتگ۔ آئی ءَ گشتگ کہ من یو این ڈی پی ءِ ہم شکرء ُمنتءَ گراں کہ آئیءَ حکومت پاکستان ء ُ میاں اوستمانی براتی ءِ نیامءَ گہتریں وت مہ وتی ء ُ کمک کنگ بوتگ۔
