کراچی۔26جولائی (اے پی پی): مزن وزیر محمد شہباز شریف ءَ گوشت کہ پاکستان ءِ صنعت ءِ استیں جیڈھ آنی گیش ءُ گیواری ءِ واستہ متحدہ کوشست ءُ ٹوھیں گامگیج آناں سہرا کنگ ءِ ضلورت انت، بھتام بندگ ءَ چہ اچ کس ءَ را اچ نہ رسیئت۔ گوزوکیں سال ءَ کپاس ءِ ریکاٹی پیداوار بیت۔ اے ھیالانی درشانی آئی ءَ چار شمبے ءَ کراچی چیمبر آف کارمرس اینڈ انڈسٹری ءِ بست ءُ بندیں ایکسپورٹ ایوارڈ ءِ مراگش ءَ گوں گشتانک دیان ءَ کت۔ اے موہ ءَ گورنر سندھ کامران ٹیسوری، سر وزیر سند ھ سید مراد علی شاہ، بنجاھی وزیر برائے اھوالکاری ءُ شنگ کاری مریم اورنگزیب ، بنجاھی وزیر ھاٹیگ انجینئر خرم دستگیر ءُ وزیر ءِ مملکت برائے پٹرولیم مصدق ملک ھم ساڑی ات۔ مزن وزیر ءَ گوشت کہ برآمد کنوک آنی زر امبار ملک ءَ آرگ ءَ ارزشتی ایں کرد ءِ است انت۔ آوانی کوشست لائکءِ ستا انت۔ کراچی روشنائی آنی شہر انت، ملک ءِ گیٹ وے ءُ درستاںچہ گیش کمانوکیں شہر انت۔ آئیءَ گوشت کہ تاجر مئے ملک ءِ معیشت ءَ سرین ءِ ھڈ ءِبستار ءَ دار انت۔ جتا جتائیں گپ ءُ گال آنی سبب ءَ پاکستان وتی ھمساھگیں ملک آں چہ پشت ءَ پشت کپتگ۔ آئیءَ گوشت کہ بھتام بندگ ءَ چہ اچ کس ءَ را اچ نہ رس ائیت۔ مارا بلیم گیم نہ لوٹ ائیت۔
