اسلام آباد۔26جولائی (اے پی پی):صدر مملکت ڈاکٹر عارف علوی ءَ تیونس ءِ گوما دو نیمگی تجارت آنی دیمروئی دیگ ءِ واستہ دراج بریں اقتصادی کمک آنی ضلورت ءِ سر ءَ ز ور پر دیان ءَ گوشتگ کہ دوئیں ملک آنی چیمبر ز آف کامرس اینڈ انڈسٹری ءِ نیام ءَ رابطہ ءُ روگ ءُ آیگ آناں گیش ودینگ لوٹ ائیت۔ ایوان ءِ صدر ءِ پریس ونگ ءِ رد ءَ صدر مملکت ءَ اے ھیالانی درشانی تیونس ءِ واستہ پاکستان ءِ نامینتگیں سفیر جاوید احمد عمرانی ءَ گوں تران کنا ن ءَ کتگ آئی ءَ چار شمبے ءِ روچ ءَ ایوان ءِ صدر ءَ آئی ءَ گوں گند ءُ نند ءَ کت۔ آئی ءَ گوشت کہ پاکستان تیونس ءِ گوما تاریخی ءُ براتی ءُ یکوئی آناں باز ارزشت دنت، دوئیں ملک جتا جتائیں کار آنی ھوالگ ءَ ھمگونگیں ھیال ءُ لیکہ انت۔ صدر مملکت ءَ گوشتگ کہ نامینتگیں سفیر وانگ ءُ زانت، دود ءُ ربیدگ ءُ دیمپانی شوبگ ءَ تیونس ءِ گوما یکوئی گیش مھکم جوڑ کنگ ءَ وتی کرد ءَ پیلو بکن انت۔ صدر ڈاکٹر عارف علوی ءَ نیک راھ آنی یکوئی، جموں کشمیر ءِ جیڈھ، فلسطین ءُ اسلاموفوبیا وڑیں میاں اوستمانی جیڈھ آنی گیواری ءَ کمک ءِ واستہ او آئی سی ءِ بابت ءَ تیونس ءِ وژن ءَ را ساڑات ءُ یونائیٹڈ نیشن ءِ بنی آدمی ھک آنی کونسل ءَ “نیک راھی کینگ ءُ کسد” ءِ ھوالگ ءَ پاکستان ءِ نیمگ ءَ چہ پیش کتگیں منوگری آنی پد ءَ تیونس ءِ کمک آناں وش اتک کت۔
