اسلام آباد۔ 21 اپریل (اے پی پی) چیئرمین سینیٹ محمد صادق سنجرانی مسلمانان ءِ عالم اسلام و خاص وڑاٹ پاکستانی تے چنکا عئید انا بابرکت و خوشی نا وخت آ دلی مبارکبادی ترسا پارینے کہ روچہ نا تُو انا عبادت آک قوم اٹی تقویٰ ، نظم و ضبط و صبر و تحمل نا خوبی تے مون آ دیرہ، غٹ اہل اسلام ہندا جو ش و جوزہ نا عملی درشانی ءِ کرسا تینا دنیاوی و آخرت نا زند ءِ سرسہب کیر، روچہ نا تُو مسلمان تیکن اللہ تعالیٰ نا کنڈآن اسہ عظیم ءُ ٹیکی اسے ہرانا فیض و برکت آتیان فائدہ ہرفسا آخرت نا سرسہبی دوئی کننگ مریک۔ چنکا عئید انا وخت آ تینا کلہو اٹی چیئرمین سینیٹ پارے کہ اللہ تعالیٰ غٹ مسلمان تا عبادت و دعا تے قبول کیک، چنکا عئید انا دے روچہ مبارک نا بابت یوم تکمیل رحمت الٰہی و یوم تشکر ءِ، اللہ تعالیٰ نا بے پایاں نعمت و رحمت نا خواست ءِ کہ نن قادر مطلق نا پرمان تے مون آ تخسا تینا دے و نن ءِ روشناکین انتئے کہ ہندا صراط مستقیم ءِ ہراڑا چلینگسا نن دنیا و آخرت نا سرسہبی تے دوئی کننگ کینہ۔
