اسلام آباد۔20اپریل (اے پی پی):پاکستان ءَ چین ءِ سفارتخانہ ءَ شنگھائی کمکی گل (ایس سی او) ملک آنی ورنا آنی اسپیس سائنس ءُ ٹیکنالوجی ءِ شوبگ ءَ یکوئی آناں گیش کنگ، دیمروئی دیگ ءُ پکوئیں کار ءُ دوستی آناں ودینگ ءِ واستہ تائیکوناٹس آف شنزو 15 ءِ ھوالگ ءَ یک مراگش ءِ بست ءُ بند کنگ بوت۔ ادا جاڑی بوتگیں بیان ءِ رد ءَ بنجاھی دارالحکومت اسلام آباد ءَ چینی سفارتخانہ ءَ شنگھائی کمکی گل ءِ فرینڈ شپ ءُ کمکی کمیشن (جی این ایف سی سی)، چائنا مینڈ سپیس ایجنسی، آل چائنا یوتھ فیڈریشن ، چائنا سونگ چنگ لنگ فاؤنڈیشن ءُ ایس سی او یوتھ کمیٹی ءِ سیکرٹریٹ ءِ بست ءُ بند کتگیں مراگش آنی یکجائی میزبانی کت۔
مراگش ءَ چینی سفارتخانہ ءِ ناظم الامور پینگ چنکسو، پاکستان سائنس فاؤنڈیشن ءِ چیئرمین شاہد محمود بیگ، انسٹی ٹیوٹ آف پیس اینڈ ڈپلومیٹک سٹڈیز ءِ جوڑیشتکار آصف فرحت، انسٹی ٹیوٹ آف سپیس ٹیکنالوجی اسلام آباد ءِ ممبر ءُ جتا جتا سکول آنی پاکستانی نودبر آں بھر زوری کت۔ اسلام آباد ماڈل کالج فار گرلز ءِ ھشتمی تبک ءِ نودربر علیزہ جمیل ءَ چینی اسپیس مین ءَ را اسپیس ءَ نپس کشت ءِ وڑ ءُ پیم ءِ بابت ءَ پرس کت گڈا اسپیس مین ءَ آئی ءَ را سرجمی ءَ پسو دات۔
تائیکوناٹس آف شنزو 15 ایونٹ ورنا آنی واھشت آناں پراھ ءُ شاھیگان کنگ ءُ ھاموشیں آزمان ءَ پٹ ءُ پول کنگ ءِ بابت ءَ آوانی واب ءُ واھگ آناں سہرا کنگ ءِ واستہ المی انت۔ ورنا چین پاکستانی دوستی ءِ ورنائیں سفیر ءُ دوئیں ملک آنی امیت انت۔ اے سیادی نسل در نسل ٹرانسفر بہ بیت۔ گوزوکیں سال بیلٹ اینڈ روڈ انیشیٹو پراجیکٹ ءُ سی پیک ءِ دھمی سالروچ انت ءُ سائنس ءُ ٹیکنالوجی ءَ کمک ءَ یک ارزشتی ایں بھر ات ءُ دل یکیمیں رنگ ءَ سی پیک ءَ مزن کد ءُ بالادی ءُ مھکمیں دیمروئی ءِ واستہ مھکمیں کمک پجاری کنت۔
چین ءُ پاکستان ءِ نیام ءَ سائنس ءُ ٹیکنالوجی ءِ شوبگ ءَ کمک آں سہرائیں کامیاتی در جتگ ایشانی تہ ءَ پاکستانی درمان ءُ دارو آنی توم آناں چینی اسپیس اسٹیشن ءَ چہ تجروبت ءَ چہ پد واپسی ھم ھوار انت۔ چین ءِ دیمروئی ءُ چینی جدیدیت پاکستان ءُ دگنیا ءِ ءِ واستہ گیش موہ پیداک کنت۔
