اسلام آباد۔ 20 اپریل (اے پی پی) وزیراعظم محمد شہباز شریف (اینو) پنچ شنبے نادے آ کانسٹیٹیوشن موبائل ایپ (نا بناءِ کیک۔ پنچ شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ کانسٹیٹیوشن موبائل ایپ پاکستان نا آئین نا گولڈن جوبلی نا رداٹ جاری کننگ انگءِ۔ کانسٹیٹیوشن موبائل ایپ وزیراعظم ناوژن نا رداٹ پاکستان نا الس ءِ آئین پاکستان آن روشناس کرفنگ و اودے پہہ مننگ اٹ ہرشاری نا کمک ءِ کیک ۔ وزیراعظم نا وژن نا رداٹ آئین پاکستان اسکان ہر خاص و عام نا رسینگ و اوناتعلیم ءِ لس کننگ نا دا تاریخی گام ، کانسٹیٹیوشن موبائل ایپ، وزیرحوالکاری مریم اورنگزیب نا کماشی ٹی وزارت حوالکاری و شینکاری نا کنڈآن تیار کننگانے۔ دا موبائل ایپ انا تیاری ٹی نادرا ہم کمک کرے۔
