اسلام آباد۔ 20 اپریل (اے پی پی) اینٹی نارکوٹکس فورس منشیات تور کارروائی تیٹی بھلو کچ اسے ٹی منشیات دوئی کرے۔ ترجمان اے این ایف نا رداٹ باچہ خان انٹرنیشنل ایئر پورٹ پشاور آ بنوں نا ہنکینی دوبہ دار اسے دزگیر کرسا دوبہ دار نا پڈآن 4 کیپسول آن پُر چرس دوئی کرے۔ دوبہ دار فلائٹ نمبر PK 217آن ابوظہبی آ ہِننگ نا کوشست کریکہ۔ راولپنڈی انٹرنیشنل میل آفس اٹی برمنگھم آن بروک پارسل آن 15 گرام ویڈدوئی کننگا۔ لاہور گلبرگ 2 اٹی واقع نجی کوریئر آفس اٹی کارروائی ٹی برمنگھم آ گدریفوک آ پارسل آن 140 گرام ہیرون دوئی کننگا۔ دوئی مروک منشیات آتے ویسٹ کوٹ اٹ اودیم کننگاسس۔ چمن فرینڈ شپ گیٹ آ اوغان باتی اسے آن 4 کلوہیرون دوئی کننگا۔ گوادر جیوانی نا علاہق پنوان نا خڑک 15 کلو چرس دوئی کننگا۔ دوئی مروک چرس غیر آباد ساہدار تا گھیڑ اٹی ڈغار اٹی ٹینک اسے آن دوئی مس۔ دزگیر دوبہ دار آتا برخلاف منشیات تور ایکٹ نا رداٹ مقدمہ درج کرسا جاست وپاست نا بنا ءِ کننگانے۔
