ہرنائی۔ 20 اپریل (اے پی پی) ڈی آئی جی پولیس سبی و ایس پی ہرنائی عاصم شفیع نا خصوصی پرمان تے مون آ تخسا ایس ایچ او ہرنائی نجیب اللہ میانی پولیس فورس اتون اوار کارروائی کرسا بازار آن دُزی مروک ہنڈاموٹرسائیکل اسے تینا کوزہ ٹی ہلسا خواجہ نادوٹی تس، ایس ایچ او نجیب میانی نا پاننگ ئس کہ موٹرسائیکل نا دُزی نا حوال ملنگ تون مخبر خاص نا حوال آ دُز آتا رند ءِہلسا 30 منٹ انا تہہ ٹی دُزی مروک موٹرسائیکل دوئی کرسا اصل خواجہ نا دوٹی تس۔ تہاری نا فائدہ ءِ ہرفسا دُز موٹرسائیکل ءِ ہلسا نرنگ اٹ سرسہب مسنے۔ ایس ایچ او نجیب میانی پارے کہ نروک آ و شار اتی دُزی کروک آ دُزآتے دزگیر کرسا کانود نا رداٹ سخت سزا تننگک۔ اومستی پارے کہ دُز آتا برخلاف بے خوف و خلیس ننا کارروائیک برجاسلرہ، ہرنائی ٹی امن و ایمنی  و دُز آتا برخلاف سرسہب کارروائی کننگ آ پوریاگر و الس کارکڑدانا ستاء، کریر۔