ریاض۔5اپریل (اے پی پی):سعودی عرب ءَ گشتگ کہ اسرائیلی فوج ءِ نیمگءَ اقصیٰ مسیت ءِ سرءَ اُرش کنگ ءَ ایر جتگ۔ سعودی حال رسانک ءِ ردءَ دری کارانی وزارت ءِ نیمگءَ چہ شنگ بوتگیں بیان ءِ تہا سعودی عرب ءَ اقصیٰ مسیت ءِ سرءَ اسرائیلی فوج ءِ نیمگءَ چہ کتگیں اُرش ءَ را ایر جنت۔ بیان ءِ تہا گشگ بوتگ کہ اے گامگیج امن ء ُ ایمنی ءَرا نقصان دیئگ اِنت۔ آئیءَ گشتگکہ اے اُرش رمضان المبارک ءَ کنگ بوتگ کہ اسلام ءِ تہا روحانیت ء ُ عبابتءِ حاسیں وہد اِت۔ بیان ءِ تہا گشگ بوتگ کہ اے وڑیں گامگیج مقدس مذہبی جاگہانی شرپ ء ُ احترام ءِہوالگءَ میاں اوستمانی کانود ءِحلاپ ورزی اِنت۔ فلسطینی گروپاں ہم نمازی آنی سرءَ اسرائیلءِ اُرشءَرا ایر جتگ ۔ فلسطینی صدر محمود عباس ءِ جارچین نبیل ابو رودینہ ءَ گشتگ کہ ما اسرائیل ءَرا مقدسیں جاہ ءِ ریڈلائن ءَ چہ گوازگ ءِ حلاپ ءَ کھڈن کنگ کہ یک مزنیں مڑء ُ جنگے ءِ سبب جوڑ بیت۔ سعودی عرب ءِ گوما اردن ء ُ مصرءَ ہم اے وئیل ءَ را ایر جتگ۔
