مقبوضہ بیت المقدس۔ 27 مارچ (اے پی پی) اسلامی کمکار تنظیم (او آئی سی) نا جنرل سیکرٹریٹ اسرائیل نا کنڈآن القدس شار اتون اوار مقبوضہ فلسطینی گل زمین اٹی اسہ ہزار آن زیات پوسکن آ یہودی بستی تفنگ نا منظوری نا مذمت ءِ کرینے ۔ سعودی میڈیا نا رداٹ او آئی سی داہیت آ زور شاغانے کہ پوسکن آبادیاتی آبادکاری نا پالیسی غیرکانودی ءِ ود ا جہانی کانود و اقوام متحدہ نا قرارداد آتا بھلا خلاف ورزی ءِ۔ مسلم ملک آتا سیوت سرائیلی کنیسٹ نا کنڈآن جتائی نا کانود ءِ منسوخ کننگ و مقبوضہ فلسطینی گل زمین اٹی نوآبادیاتی آبادکاری نا سرجزآتے روا گوندنگ نا مذمت کرسا جہانی برادری آن خواست کرینے کہ او جہانی قرارداد آتے نافذ کننگ اٹ تینا زمواری تے پورو کے و کوزہ گیر اسرائیل آ زور شاغے کہ او فلسطینی الس ، اوفتا گل زمین و اوفتا مقدس آتا برخلاف جلہو و پدریسہ خلاف ورزی تے تورے۔
