اسلام آباد۔ 21 مارچ (اے پی پی) پاکستان نا کنڈآن ترکیہ نا زمی جمب آن زہمی تیکن کمکی گڑاتا 23 می کھیپ ءِ ہرفسا خصوصی جہاز روانہ مس۔ ترجمان این ڈی ایم اے نا رداٹ وزیراعظم نا پارت آ خصوصی جہاز انا کمک اٹ پین 1277 فیملی تمبو ترکیہ غا روانہ کننگانے۔ خاخر آن رکھ تمبو تا (95.7 ٹن )23 می کھیپ اسلام آباد آن روانہ کننگا۔ این ڈی ایم اے ترکیہ نا زمی جمب آن زہمی تا کمک کن 11 مارچ آ خصوصی فلائٹ آپریشن نا بناءِ کرینے وخت اس کہ پی آئی اے آن بیدس پاک بحریہ نا بحری جہاز انا کمک اٹ ہم کمکی گڑا تے ترکیہ غا گدریفنگانے۔
