کابل۔ 15 مارچ (اے پی پی) اوغانستان پارینے کہ اونا فوج انا جم کچ ودسا 1 لکھ 50 ہزار اسکان سرمسنے، دا ملکی سیم تا رکھ ءِ پک کننگ نالائخی تخک۔ چینی خبررساں ادارہ اوغان وزارت دفاع نا ترجمان عنایت اللہ خوارزمی نا بابت پارے کہ اونا ملک داتم اسکان 150،000سوگو و لیس فوج اس تیار کرینے ہرا سیکورٹی ءِ پک کننگ و ملکی سیم تا دفاع ءِ کننگ نا لائخی تخک۔ اوپارے کہ مسکوہی حکومت نا کارندہ ہم قومی فوج انا درجہ نا تہہ ٹی ءُ و حکومت تینا غٹ تر رکھی ازباب آتے تینا وسیلہ غاتے اٹ تیار کننگ نا چرجوئی ءِ برجاتخانے۔ یات سلے اگست 2021نا ایسر اٹی اوغانستان آن امریکہ نا کماشی ٹی فوج انا پیش تمنگ آن پد امریکی مخ تف انتظامیہ نا چٹنگ تون مسکوہی حکومت نا سیکورٹی فورس بشمول فوج و پولیس ءِ چٹفنگاسس۔
