کابل۔9مارچ (اے پی پی):افغانستان ءَ صوبہ بلخ ءِ گورنر محمد داؤد مزمل وتی کارگسءَ بوتگیں یک تراکے ء َ بیران بوتگ۔ اوگان شنگ ء ُ تالانی ادارگ ءِ ردءَ صوبہ بلخ پولیس کمان ءِ جارچین آصف وزیری ءَ میڈیاءَ را حال داتگ کہ صوبہ بلخ ءِ گورنر محمد داؤ د مزمل وتی کارگس ءَ یک انتظامی دیوان ءِ تہا بوتگیں تراک ءَچہ بیران بوتگ۔ آئی ءَ تراک ءَ چہ بوتگیں مرگانی بارواہ ایچ گپ ناکتگ بلے باز وسلیگانی گشگ اِنت کہ اے تراک ءِتہا 3 مردم بیران ء ُ کم چہ کم 5 ٹپیگ بوتگ اَنت۔ سکیورٹی فور س آں دمگ ءَرا چپء ُ چاگرد کتگء ُ تراک ءِ جاگہ ءَ مردماناں رؤگءَمکن کتگ۔
