اسلام آباد۔29دسمبر (اے پی پی):تہی کارانی بنجاہی وزیر رانا ثنا اللہ خان ءَ گوشت کہ پولیس ءِ ورناہاں فرض پجاری ،کزبی ہیلکاری ءَ بُن جاھ اسلام آباد ءَ را مزنیں واکیہ چہ بچ اتگ،سرجمیں راج کزبی ہزمت سرا اسلام آباد پولیس ءَ را خراج عقیدت پیش کنگ انت،پولیسءِ ورناہاں جان ءِ پرواہ کنگ ءِ ابید ناشرکاراں را داشتگ۔سرجمیں راج آہاں را دلیری سرا سلام پیش کنگ انت۔آں پنچ شمبے ءَ پمز ہسپتال ءِ تہ آئی ٹین بمب تراک ءِ ٹپی پولیس کارندہانی عیادت موہ سرا گپ ءُ تران کنگ ات۔ آئی جی اسلام آباد ڈاکٹر اکبر ناصر خان، ڈی آئی جی آپریشنز سہیل ظفر چٹھہ ءُ ٹوھیں افسران ھم اے موہ ءَ ساڑی اتنت۔تہی وزیر ءَاسلام آباد آئی ٹین بمب تراک ءِ تہ ٹپی بوتگیں پولیس ورناہ محمد حنیف ءِ عیادت کتگ۔ٹپیگ پولیس کارندہ ءِ حال پرسی کتگ ءُ پھل ءُ چیک پیش کتگ۔بنجاہی وزیر رانا ثنا اللہ خان ءَ گوشت کہ مزن وزیر شہباز شریف ءَ شہید عدیل حسین ءِ ھاترا شہید پیکیج ءِ منظوری داتگ ءُ آہاں را تمغہ شجاعت ھم دیگ بیت۔
