اسلام آباد۔28دسمبر (اے پی پی):صدر مملکت ڈاکٹر عارف علوی ءَ گوشت کہ سرجمیں راج ناشرکاری ءِ ھلاپ ءَ جنگ ءِ تہ یکجاھ انت ، شہداء ءِ ملک ءَ را ناشرکاری ءَ چہ پاک کنگ ءِ ھاترا داتگیں قربانی ءَ را یات دارگ بیت، شہدانی قربانی آنی آسر ءَ مہ ناشرکاری چہ سرجم آجو بباں۔چارشمبے ءَ ایوان صدر ءِپریس ونگ چہ جاڑی بیان ءِ ردا صدر مملکت ڈاکٹر عارف علوی ءَ 23دسمبر ءَ آئی ٹین ،اسلام آباد ءِ تہ وت کُش تراک ءِ تہ شہید بوتگیں پولیس کانسٹیبل سید عدیل حسنین ءِ ھاندان ءِ گوما ٹیلی فون سرا گپ ءُ تران کتگ ءُ شہید ءِ ھاندان ءَ را حکومت ءِ نیمگا چہ کمک ءِ سدکی داتگ۔صدر مملکت ءَ 25 دسمبر ءَ بلوچستان ءِ دمگ کوہلو ءُ ژوب ءِ تہ شہید بوتگیں پاکستان آرمی ءِ ورناہانی ھاندان ءَ گوں ھم ٹیلیفونک گپ ءُ تران کتگ۔
صدر مملکت ءَ کیپٹن محمد فہد خان ءُ سپاہی اصغر الدین ءِ کہول ءَ گوں فون سرا گپ ءُ تران کتگ۔آہاں سپاہی محمد شمعون ءُ لانس نائیک محمد امتیاز ءِ وارث ءَ گوں ھم دلپدردی کتگ۔صدر مملکت ءَ شہیدانی دلیری ءُ فرض پجاری ءُ راج ھاترا قربانی سرا خراج تحسین پیش کتگ۔ صدر مملکت ءَشہداء ءِ ھاندانانی ماتیں وتن ءِ ھاترا داتگیں قربانی ءِ جوزگ ءَ را ھم ساڑاتگ۔ صدر مملکتءَ ھاندان ءِ گوما دلہ ہمدردی ءِ درشان کتگ ءُ صبر جمیل ءِ دعا ھم کتگ۔
