ملتان۔ 08 دسمبر (اے پی پی) پاکستان کرکٹ ٹیم انا کیپٹن بابر اعظم پارینے کہ انگلینڈ نا برخلاف ملتان اٹی پگہ غان مروک آ میچ اٹی نن گچین کارکڑد نا درشانی ءِ کرسا سیریز ءِ بریبر کننگ نا کوشست کینہ۔ پنچ شنبےنادے آ ملتان کرکٹ اسٹیڈیم اٹی پریس کانفرنس آن تران کرسا اواومیت ظاہر کرے کہ ملتان نا گچین مروئے۔ اوپارے کہ راولپنڈی ٹی ننے سپن پچ درکار ئسک، ای دا بارواٹی تینا سلاہ ءِ ہم تسوسٹ ولے نن انت سجفیسن اوڑ مننگ کتو۔ اوپارے کہ راولپنڈی ٹی مروک آ اولیکو ٹیسٹ میچ اٹی انگلینڈ ٹاس ءِ کٹسا بیٹنگ وکٹ انا پبی فائدہ ہرفے و اولیکو اننگز اٹی اونا چار بیٹسمین سنچری جوڑ کریر و آخیریکو دے اودے 74 رنز اٹ سرسہبی ملا۔ اومستی پارے کہ اولیکو ٹیسٹ میچ اٹی جم وڑاٹ 1768 رنز جوڑ مس ہرا ٹیسٹ کرکٹ نا تاریخ نا مسٹ میکو بھلا اسکور ءِ و ہڑتوم آ ٹیم تا ہفت بیٹس مین سینچری و پنچ نصف سینچری کریر۔