اسلام آباد۔ 02 دسمبر (اے پی پی) ڈپٹی اسپیکر قومی اسمبلی زاہد اکرم درانی علامہ اقبال اوپن یونیورسٹی نا نصاب کن ’’آئینہ عمرانیات ‘‘ کتاب آ دمدستی پابندی عائد کننگ نا پارت کرسا دا باندات ءِ تعلقدار کمیٹی نا حوالہ کننگ نا پرمان کرینے۔ جمعہ نادے آ قومی اسمبلی ٹی مولانا عبدالاکبر چترالی پارے کہ دا کتاب اٹی اسلامی اصول آتیا نشترزئی کننگانے، حکومت آن خواست کیوہ کہ دا کتاب آ پابندی عائد کننگے و دادے شینک کننگ و کرفوک آتا برخلاف کارروائی کننگے۔ ڈپٹی اسپیکر رولنگ ترسا پارے کہ دا کتاب آ دمدستی پابندی خلنگے و شینک کننگ و کرفوک آتا برخلاف کارروائی ہم کننگے۔ اوداباندات ءِ اہم گوندسا تعلقدار کمیٹی نا حوالہ ہم کرے۔
