اسلام آباد۔1دسمبر (اے پی پی): مزن وزیر محمد شہباز شریف ءَ گوشتگکہ پاکستان پولیو ءِ ھلاسی ءِ واستہ جزمیگ انت ، لستیں دمگ آں ابید ملک ءِ گیشتریں بھر آنی تہءَ پولیو ءِ ھلاسی کتگ، سیاسی کسد ءُ کینگ آنی رد ءَ سرجمیں ملک پولیوءِ سرجمیں ھلاسی ءِ واستہ یکجا انت، پولیو ءِ گر ءُ دار ءِ راجی گامگیج آناں بے ھیال کنگ ءِ موہ ءَ نہ دیاں۔ اے ھیالانی درشانی آئی ءَ پنچ شمبے ءِروچ ءَ ادا پولیو ءِ ھلاسی گلوبل پولیو ریڈ کشن انیشیٹو (میاں اوستمانی گامگیج) ءِ ڈل ءَ گوں تران کنان ءَ کت۔ ڈل ءِ سروکی چیئرمین پولیو ءُ رسائٹ بورڈ ءُ بل اینڈ میلنڈا گیٹس فائونڈیشن ءِ صدر ڈاکٹر کرسٹو فرایلس کنگ ءَ ات۔ ڈل ءَ ڈبلیو ایچ او ءِ ریجنل ڈائریکٹر احمد لمندھاری، ریجنل ڈائریکٹر یونیسف جارج لاریہ اداجی، نیشنل چیئرمین این پی پی سی عزیز میمن ، روٹری انٹر نیشنل ءُ پولیور ءِ ھلاسی ءِ پروگرام ءِ شریکیں ادارگ ءُ کمکی ادارگ آنی کارندہ ھوار اتنت۔ اے موہ ءَ بنجاھی وزیر برائے نیشنل ہیلتھ سروسز اینڈ ریگولیشنز عبدالقادر پٹیل ھم ساڑی ات۔
