پاکستان اوغان ایلم ایڑھ تا ہر ممکن کمک و مخ تفی ءِ برجاتخک، وزیراعظم شہباز شریف نا وزیر مملکت خارجہ امور حنا ربانی کھر تون اوڑدہی ٹی گپ وتران

اسلام آباد۔ 01 دسمبر (اے پی پی) وزیراعظم محمد شہباز شریف پارینے کہ پاکستان پرامن اوغانستان نا خواہندار ءِ، جہانی برادری اوغانستان نا حالیت آتیٹی گچینی کن تینا کڑد ءِ ادا کے۔ وزیراعظم نا میڈیا ونگ آن جاری بیان نارداٹ داخیال آتا درشانی ءِ او وزیر مملکت خارجہ امور حنا ربانی کھر تون گپ وتران کرسا کرے ہرا پنچ شنبےنادے آ داڑے اوڑتون اوڑدہی کرے۔ اوڑدہی ٹی وزیر مملکت تینا ساڑی آ دورہ ءِ اوغانستان نا بابت وزیراعظم ءِ معلومدار کرے۔ داوخت آ وزیراعظم پارے کہ پاکستان اسہ پرامن اوغانستان اسے نا خواہندار ءِ۔ جہانی برادری اوغانستان نا حالیت آتیٹی گچینی کن تینا کڑد ءِ ادا کے۔ وزیراعظم پارے کہ پاکستان اوغان ایلم ایڑھ تا ہرممکن کمک و مخ تفی ءِ برجاتخک۔