اسلام آباد۔ 01 دسمبر (اے پی پی) صدر مملکت ڈاکٹر عارف علوی چین نا مسکوہی صدر جیانگ ژیمن نا کزیت آ السی جمہوریہ چین نا سرکڑدہ و الس تون تینا ہڑزخواہی نا درشانی ءِ کرینے۔ پنچ شنبےنادے آ ایوان صدر نا پریس ونگ آن جاری ہڑزخواہی بیان اٹی صدر مملکت پارے کہ چین نا مسکوہی صدر جیانگ ژیمن اسہ پنی ءُ مدبر اس ئسک ہرا پدریسہ اقتصادی اصلاحات نا کمک اٹ چین ءِ ترند رفتار شونداری نا کنڈا درے و ملک اٹی زند اناآب ءِ نمان وڑاٹ بڑزکرے۔ ڈاکٹر عارف علوی پارےکہ مسکوہی چینی صدر جیانگ ژیمن نا بصیرت پاکستان و چین نا نیام اٹ سنگتی و الس نا نیام اٹ تعلقداری تے پین مون آ دننگ اٹ اسہ اہم ءُ کڑد اس ادا کرے۔ اوپارے کہ چین نا آنجہانی مسکوہی صدر ءِ اونا ملک اکن دا بڑزکو خذمت و کوشست آتیکن مدام یات تخنگک ہرانا سوب آن چین اینو دنیا نا اسہ عظیم زرگزرانی قوت اسے نا وڑاٹ ءِ۔ صدر مملکت پارے کہ غم انا داساہت اٹ نن چین نا الس تون اُن۔
