اسلام آباد۔ 01 دسمبر (اے پی پی) بنجائی وزیر خزانہ و محصولات سینیٹر محمد اسحاق ڈار تون پاکستان اٹی متحدہ عرب امارات نا سفیر حماد عبید ابراہیم سلیم الزابی پنچ شنبےنادے آ داڑے اوڑدہی کرے۔ اوڑدہی ٹی پاکستان و متحدہ عرب امارات نا نیام اٹ ہڑتوم آ کنڈآتا اقتصادی تعلقداری تے ودفنگ نا بابت امور آ گپ وتران مس۔ وزیرخزانہ داوخت آ پاکستان و یواے ای نا نیام اٹ دیرینہ برادرانہ تعلقداری و سنگتی ءِ مون آ تخا و پارے کہ پاکستان یو اے ای تون تینا تعلقداری تے قدر انا نظر اٹ ہرک۔ وزیرخزانہ یواے ای نا سفیر ءِ ملک اٹی کاروبار اٹی آسانی و پیشن نا زرکاری کن دوئی وارخواہی تیان ہم معلومدار کرے و پارے کہ ملکی زرگزران اٹی پائیدار نمو کن حکومت گام گیج کننگ اٹی ءِ۔
