مچ آ ملک اٹی 24 گھنٹہ ٹی کورونا دین انا 40 کیس رپورٹ، مثبت کیس آتا کچ 0.59درسد ئس، قومی ادارہ جان جوڑی

اسلام آباد۔ 01 دسمبر (اے پی پی) قومی ادارہ جان جوڑی (این آئی ایچ) مچ آ ملک اٹی 24 گھنٹہ ٹی کورونا دین انا 40 کیس رپورٹ مس، مثبت کیس آتا کچ 0.59درسد ئس۔ پنچ شنبےنادے آ این آئی ایچ نا جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 6 ہزار 828 ٹیسٹ کننگا ہرافتیان 40 بندغ آتا ٹیسٹ مثبت بس، ہندا وڑ کورونا ٹیسٹ انا مثبت کچ 0.59درسد ئس۔ داکان بیدس داوخت آ کورونا دین آن اسہ ناجوڑ اس زوال کرے وخت اس کہ 29 ناجوڑ آتا حالیت نازرک ءِ۔ چندی شار تیٹی کروک آ کورونا ٹیسٹ و مثبت کیس آتا کچ انا بابت پشاور اٹی 24 گھنٹہ ٹی 481بندغ آتا ٹیسٹ کننگا ہرافتیان 7 ٹیسٹ مثبت بس و ہموڑے مثبت کیس آتا کچ 1.46درسد ئس۔ ہندا وڑ لاہور اٹی 248 ٹیسٹ آتیان 4 بندغ آتا ٹیسٹ مثبت بس و کچ 1.61درسد ئس، اسلام آباد اٹی 337ٹیسٹ کننگا ہرافتیان 5 ناجوڑ آتا ٹیسٹ مثبت بس و کچ 1.48درسد ئس، راولپنڈی ٹی 233کورونا ٹیسٹ کننگا ہرافتیان 2 بندغ آتا ٹیسٹ مثبت بس و ہموڑے مثبت کیس آتا کچ 0.86درسد ئس، فیصل آباد اٹی 241 ٹیسٹ کننگا ہرافتیان اسہ ناجوڑ اسے نا ٹیسٹ مثبت بس و کچ 0.41درسد ئس۔