لاہور۔ 01 دسمبر (اے پی پی) چیئرپرسن چائلڈ پروٹیکشن بیورو سارہ احمد یونیسیف پاکستان نا ڈل اتون اوڑدہی کرے۔ ڈل اٹی چیف آف چائلڈ پروٹیکشن پروگرام ڈینیلالوشینی، کنسلٹنٹ یونیسیف سوزین، چائلڈ پروٹیکشن آفیسر یونیسیف زاہدہ منظورئسک اوار ئسر۔ یونیسیف نا ڈل چیئرپرسن سارہ احمد ءِ اٹلی ٹی گلوبل کولیبوریٹوایوارڈ دوئی کننگ آمبارکبادی تس۔ ترجمان نا رداٹ اوڑدہی ٹی چائلڈ پروٹیکشن کیس مینجمنٹ سسٹم نا بابت گپ وتران کننگا۔ چائلڈ پروٹیکشن بیورو و یونیسیف نا چناتا حق انا رکھ اکن اسیجائی لائحہ عمل اس برجاتخنگ آ امنا کننگا۔ چیئرپرسن چائلڈ پروٹیکشن بیورو سارہ احمد پارے کہ پاکستان چائلڈ پروٹیکشن کیس مینجمنٹ سسٹم اس تیار کرینے۔ چائلڈ پروٹیکشن بیورو ٹی چائلڈ پروٹیکشن کیس مینجمنٹ سسٹم ءِ کاریم اٹ اتنگک۔ اوپارے کہ غٹ چناتا ریکارڈ چائلڈ پروٹیکشن کیس مینجمنٹ سسٹم نا کمک اٹ کمپیوٹرائزڈ کننگک۔ یونیسیف نا کنڈآن چائلڈ پروٹیکشن کیس مینجمنٹ کن بیورو ءِ سپورٹ فراوان کننگک۔ چائلڈ پروٹیکشن بیورو و یونیسیف پاکستان نا نیام اٹ آخبت نا بابت لائحہ عمل اس ہم تیار کننگانے۔
