اسلام آباد۔30نومبر (اے پی پی): مزن وزیر محمد شہباز شریف ءَ گوں آرمی چیف جنرل سید عاصم منیر ءَ گوں گند ءُ نند کت ءُ پاک فوج ءِ کزبی ھیل کاری ءُ راجی سلامتی ءِ ھوالگ ءَ ھیال ریچی کت۔ مزن وزیر محمد شہباز شریف ءَ آرمی چیف ءِ سیٹ ءَ نندگ ءِ پد ءَ آئی ءَ را مبارک بات دات۔ چار شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آرمی چیف ءَ گوں تران کنان ءَ گوشتگ کہ تئی آرمی چیف جوڑ بوھگ ءِض پد ءَ راج گلءُ شات انت۔ الس ءُ فوج ءِ نیام ءَ یکوئی ءُ دوستی ءِ سیادی گیش مھکم بنت۔ آئی ءَ گوشت کہ تئی وڑیں لائکیں اپسرگ آنی سروکی ادارگ ءِ کزبی ھیل کاری ءُ دیمروئی ءَ را گیش گہتر جوڑ کنگ ءَ ارزشی ایں سہرا بنت۔ آرمی چیف جنرل سید عاصم منیر ءَ مزن وزیر ءِ شگر ءُ منت واری گپت۔ آرمی چیف ءِ سیٹ ءَ نندگ ءَ پد جنرل سید عاصم منیر ءِ مزن وزیر ءَگوں ایش اولی گند ءُ نند بوتگ۔
