اسلام آباد۔30نومبر (اے پی پی):نبجاھی وزیر اسحاق ڈار ءَ گوشتگ کہ پاکستانءَ را 5 سال ءَ سُت ءَ چہ پاک کت کناں، ملک ءَ اسلامی بینکاری 20 ءَ بگر تاں 21 درسد بوتگ ءُ اسلامی بینکنگ ءِ مڈی 7 ٹریلین کلدر ءِ تک ءَ شتگ انت۔ اسلامی بینکنگ ءِ پراڈکٹس ءَ را سستا کنگ لوٹ ائیت۔ اے ھیالانی درشانی آئی ءَ چار شمبے ءَ سُت ءِ شرپ ءِ ھوالگ ءَ کراچی ءَ بوھوکیں سیمینار ءَ گوں گشتانک دیان ءَ کت۔ وزیر ءِ ھزانگ اسحاق ڈار ءَ گوشتگ کہ سرجمیں دگنیا ءَ کوشست کنگ بوھگ ءَ انت کہ ھمک مردم بینکاری نظام ءَ گوں بندوک ءُ ھوار بہ بیت، بینکاری ءِ نظام زندمان ءِ ضلورت جوڑ بوتگ ءُ بینکاری نظام ءِ وسیلگ ءَ ساپ ءُ سلہ ایں لین دین ءَ را دل یکیمی جوڑ کنگ بیت کنت۔
