اسلام آباد۔ 30 نومبر (اے پی پی) بنجائی وزیر کانود و انصاف سینیٹر اعظم نذیر تارڑ پارینے کہ پاکستان متحدہ عرب امارات تون تعلقداری تے قدر انا نظر اٹ ہرک۔ داہیت ءِ او متحدہ عرب امارات نا وزیر انصاف عبداللہ بن سلطان بن عوادالنعیمی نا ٹیل فون آ گپ وتران کرے۔ گپ وتران اٹی تین پہ تینی است خواہی و ہڑتوم آ کنڈآتا تعلقداری تے پین  مون آ دننگ نا بابت امور آ گپ وتران کننگا۔ ہڑتوم آ ملک آتا نیام اٹ تین پہ تینی کانودی کمکاری نا امور آ ہم سرجمی اٹ گپ وتران کننگا۔ پاکستان نا ایف اے ٹی ایف گرے لسٹ آن پیش تمنگ نا ریسہ غاہم گپ وتران کننگا۔ بنجائی وزیر کانود و انصاف نذیر تارڑ پارے کہ پاکستان تینا ایلم ملک متحدہ عرب امارات نا کمک کن ہروخت تیار ءِ ، بنجائی وزیر کانود متحدہ عرب امارات نا پاکستان اٹی نوکاپی حالیت آتیٹی کمکاری آ منت واری ءِ ہرفے۔ اوپارے کہ پاکستان متحدہ عرب امارات تون تینا تعلقداری تے قدر انا نظر اٹ ہرک، متحدہ عرب امارات ننا ایلم اسلامی ملک ءِ۔ اوپارے کہ متحدہ عرب امارات مدام مشکل حالیت آتیٹی پاکستان تون تفینے۔

متعلقہ مضامینمصنف کی طرف سے مزید