اسلام آباد۔ 30 نومبر (اے پی پی) بنجائی وزیر داخلہ رانا ثناء اللہ خان بلیلی چیک پوسٹ بلوچستان دھماکہ نا ترندی اٹ مذمت ءِ کرسا پارینے کہ دھماکہ بظاہر خودکش اس لگک۔ بلوچستان حکومت آن واقعہ نا سرجم رپورٹ ءِ بٹنگانن۔ چارشنبےنادے آ تینا بیان اٹی بنجائی وزیر داخلہ رانا ثناء اللہ خان پارے کہ دھماکہ غان پولیس کارندہ و چناتا شہیدی آ بھاز ڈکھیائی و است ہسونی ءِ، ٹھپی پولیس کارندہ غاتا زوت دراخ جوڑی کن دعا کینہ۔ اوپارے کہ دہشت گردی نا ٹارگٹ پولیس پارٹی ئسک، پولیس شہید آتے خراج عقیدت پیش کیوہ، قوم اوفتا قربانی تیا گمر کیک۔
