اسلام آباد۔ 30 نومبر (اے پی پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ئسک کوئٹہ ٹی بلیلی روڈ آ بلوچستان کانسٹیبلری نا ٹرک انا خڑک خودکش دھماکہ نا مذمت ءِ کرینو۔ چارشنبےنادے آ قومی اسمبلی سیکرٹریٹ آن جاری بیان نا رداٹ اسپیکر و ڈپٹی اسپیکر دھماکہ نا نتیجہ ٹی نہادی جان تا زیان آ است ہسونی نا درشانی ءِ کرینو۔ اسپیکر و ڈپٹی اسپیکر زوال کروک آتا خاہوت آتون ہمدردی نا درشانی ءِ کرینو۔ اوٹھپی مروک آتا زوت دراخ جوڑی کن دعا کریر۔ اوفک دھماکہ ٹی زوال کروک آ بندغ آتا درجہ غاتا بڑزی و پدسلوک آتے دا بے بدل نسخان ءِ سگنگ کن صبر و جمیل عطا کننگ نا دعا کریر ۔
