کوئٹہ۔ 30 نومبر (اے پی پی) قائم مقام گورنر بلوچستان میر جان محمد جمالی کوئٹہ ٹی بلوچستان کانسٹیبلری نا گاڈی نا خڑک دھماکہ نا ترند انگا لوزآتیٹی مذمت کرینے۔ اوتینا اسہ مذمتی بیان اسے ٹی پارے کہ شرپسند زموار آک صوبہ نا پرامن حالیت آتے تینا ناپاک عزم آتا پوروی کن لتاڑنگ خوارہ ہرادے حکومت ہرحال اٹ بے سہب کیک۔ اودھماکہ ٹی ٹھپی کارندہ غاتے غٹ طبی آسراتی دمدستی وڑاٹ تننگ نا پارت کرسا غٹ کانود نافذ کروک آ ادارہ غاتیا زور شاغا کہ او اوار زموار آتے زوت آن زوت دزگیر کرسا اوفتے اوفتا کروک نا سزا ایتر۔
