بھٹو خاہوت جمہوریت ، آئین و ملکی شونداری کن عظیم ءُ قربانی تس، بنجائی وزیر سید خورشید احمد شاہ

اسلام آباد۔ 30 نومبر (اے پی پی) بنجائی وزیر آبی وسیلہ سید خورشید احمد شاہ پارینے کہ پیپلزپارٹی قربانی و کارنامہ غاتا عظیم ءُ داستان اسے، بھٹو خاہوت جمہوریت ، آئین و ملکی شونداری کن عظیم ءُ قربانی تسنے۔ چارشنبےنادے آ پیپلزپارٹی نا یوم تاسیس نا وخت آ تینا کلہواٹی اوپارے کہ یوم تاسیس آ غٹ جمہوریت پسند آتے مبارکباد پیش کیوہ، پیپلزپارٹی قربانی و کارنامہ غاتا عظیم ءُ داستان اسے۔ اوپارے کہ پیپلزپارٹی پارلیمانی جمہوریت ، آئین سازی، ایٹمی قوت نا دوئی کننگ و پاک چین سنگتی کن عظیم ءُ جہد کرے و مدام الس نا واک ءِ تینا محور و مرکز کرے۔ اونا پاننگ ئسک کہ بھٹو خاہوت جمہوریت ، آئین و شونداری کن عظیم ءُ قربانی تسنے، جمہوریت و جہد نا باب اٹ پیپلزپارٹی شاندار و ناقابل فراموش سیاسی تاریخ اس تخک۔