اسلام آباد۔29نومبر (اے پی پی): مزن وزیر شہباز شریف ءَ گوشتگ کہ حکومت ءِ ھمبراہیں باسک آں سکیں ساھت ءَ گرانیں پیسلہ کنگ ءِ بدولت ءَ ملک ڈیفالٹ ءِ بیم ءُ ترس ءَ چہ در کپتگ، پاکستان ءِ معاشی جاور ھال آنی بابت ءَ ردئیں دروگ شنگ کنگ بوھگ ءَ انت ایشاں چہ ترس ءُ بیم ودی کنگ لوٹاں، حکومتملکی معیشت ءَ را برجم کنگءِ واستہ ھمک رنگیں گامگیج کنت۔ اے ھیلانی درشانی آءی ءَ نامداریں میاں اوستمانی انویسٹمنٹ بینکنگ اینڈ کیپیٹل مارکیٹس فرم جیفریز (Jefferies) ءِ ڈلءَ گوں تران کنان ءَ کت آئی ءَ سئے شمبے ءَ ادا آئی ءَ گوں گند ءُ نند کت۔ گند ءُ نند ءَ وزیر ءِ ھزانگ اسحاق ڈار ھم شریک ات۔ مزن وزیر کارگس ءِ رد ءَ مزن وزیر ءَ حکومت ءِ ھمبراہیں پارٹی آں سیاسی قیمت ءِ پراواہ نہ کتگ ءَ گوستگیں چار سال آنی تہءَ نالائقیں لچڈے ءَ را سگ ءُ اوپار کتگ ۔ آئی ءَ گوشت کہ گران بائی ءُ لس مردم ءَ را ریلیف پجاری ءِ واستہ بنیاتی گامگیج چست کنگءَ آں۔ آئی ءَ گوشت کہ حکومت ڈنی تجارتی وام آناں کمک کنگ ءِ واستہ کوشست کنگ ءَانت۔ پاکستان ءَڈنی سرمایہکاری ءِ دیمروئی ءِ واستہ حکومت سرمایہ کار آناں ھمکرنگیں آسراتی پجاری کنگ ءَ انت۔ مزن وزیر ءَ جیفریز ءِ ڈلءَ را وش اتک کت ءُ آئی ءَ را پاکستان ءَ وتی کارگس ءِ پچ کنگ ءِ دعوت دات۔ اے موہ ءِ سر ءَ ڈل ءَ مزن وزیر ءِ سروکی ءَ ملک ءَ استیں معاشی جیڈھ آناں جوانی ءَ گوں گیوار کنگ ءُ ملک ءَ را معاشی برجائیءِ کشک ءَ رھادگ بوھگ ءَ را وشیں گپ ءِ نامینت۔
