اسلام آباد۔29نومبر (اے پی پی): مزن وزیر شہباز شریف ءَ چیف آف آرمی سٹاف جنرل سید عاصم منیر ءَ را ٹیلی فون کتگ ءُ آرمی چیف ءِ سیٹ ءَ نند گ ءِ پد ءَ آئی ءَ را مبارک بات داتگ۔ سئے شمبے ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ ردءَ آرمی چیف ءَ گوں تران کنان ءَ مزن وزیر شہباز شریف ءَ گوشتگ کہ دلیریں پاک فوج ءِ سروک ءِ سیٹ ءَ نندگ ءُ ایشی ءِ کمان کنگ ءِ شرپ یک ٹوھیں شرپ ات۔ پاک فوج ءَ را تئی وڑیں کزبی ازمکاریں شاہوکار ءِ رسگ اللہ پاکءِھاسیں فضلءُ کرم ات۔ مزن وزیر ءَ گوشت کہ سرجمیں دل یکیمی ات کہ تئی سروکی ءَ فوج ءِ کزبی ازمکاری ءُ وطن ءِ دیمپانی ءُ سلامتی ،ناشرکاری ءِ ھلاسی ءَ ھوار سیکورٹی جیڈھ آں گوں گر ءُ چیل بوھگ ءَ اللہ پاک تئی کمک ءُ سروکی ءَ بکن آت۔ مزن وزیر ءَ گوشت کہ وطن دیمپانی ، سلامتی ءُ رکھینگ ءِ واستہ مئے گیشاں چہ گیش کمک ترا پجاری بیت۔ آرمی چیف جنرل سید عاصم منیر ءَ نکیں واھگ آنی در شان ءُ مبارک بات دیگ ءِ پد ءَ مزن وزیر ءِ شگر ءُ منت واری گپت۔
