اسلام آباد۔ 29 نومبر (اے پی پی) وزیراعظم محمد شہباز شریف پاکستان نا حکومت و الس نا کنڈآن فلسطینی الس نا بدل مفروک مخ تفی نا درشانی ءِ کرسا پارینے کہ فلسطین نا متکن آ ایسر نا چاری جھیڑہ نئے بیرہ اخلاقی وڑاٹ دنیا کن اسہ سوج انا نشان اسے بلکن جہانی امن آ ہم اونا زہم تمک۔ سے شنبےنادے آ فلسطینی الس تون یکجہتی نا جہانی دے انا وخت آ تینا ٹویٹ اٹی وزیراعظم پارے کہ دادے اسرائیل نا کوزہ گری ٹی زند ءِ تیرکروک آ فلسطینی الس ءِ مون تروک مشکل و تکلیف آتے تالان کیک۔ اسرائیل ءِ ظلم و ستم و جابرانہ گام گیج ، ہرافتا ساڑی آ تاریخ اٹ درور ملیپک، آ سزاغان استثنیٰ ملوک ءِ۔ وزیراعظم پارے کہ فلسطین نا متکن آ ایسر نا چاری ویل نئے بیرہ دنیا کن اخلاقی وڑاٹ اسہ سوج انا نشان اسے بلکن جہانی امن آ ہم اونا زہم تمک۔ اوپارے کہ پاکستان اقوام متحدہ نا قرارداد آتا رداٹ دوریاستی ایسری نا مخ تفی ءِ کیک۔
