اسلام آباد۔ 29 نومبر (اے پی پی) بنجائی وزیر واپار سید نوید قمر ممتاز صنعت کار و یونائیٹڈ بزنس گروپ نا راہشون ایس ایم منیر نا کزیت آ است ہسونی نا درشانی ءِ کرینے۔ سے شنبےنادے آ وزارت واپار آن جاری بیان نا رداٹ بنجائی وزیر پارے کہ ایس ایم منیر ءِ کاروباری دنیا ٹی خذمت آتیکن مدام یات تخنگک ۔ اوپارے کہ اونا کزیت کاروباری و بھاز انگا ہمومخلوق کن اسہ بھاز بھلو نسخان اسے ہرافتا زند اوڑتون گنڈوک ئسک۔ اوپارے کہ ایس ایم منیر ءِ کاروباری برادری کن تینا لگن و بھاز انگا مخلوق نا زند آتیا مثبت اثر شاغنگ نا عزم اکن چاہنگاکہ۔ اودعاکرے کہ اللہ تعالیٰ ایماندار ءِ جنت الفردوس اٹی بڑزکو ہند اس عطاکے و خاہوت ءِ دا صدمہ ءِ سگنگ نا ہمت ایتے۔
