اسلام آباد۔ 29 نومبر (اے پی پی) اسپیکر قومی اسمبلی راجہ پرویز اشرف و ڈپٹی اسپیکر قومی اسمبلی زاہد اکرم درانی ئسک جنرل عاصم منیر ءِ پاک فوج انا کمان ءِ سنبھالنگ آ مبارکباد ترسا نیک است خواہی نا درشانی ءِ کرینو۔ سے شنبےنادے آ تینا تہنیتی کلہو آتیٹی اوفک پاریر کہ جنرل عاصم منیر نا شمار پاک فوج انا بھاز قابل، لائخ و آزموندہ کار جرنیل آتیٹی مریک۔ یقینا او تینا لائخی تے کاریم اٹ اتسا ملک انا دفاع ءِ پین ناقابل تسخیر کیک۔اوفک دا اومیت نا درشانی ءِ کریر کہ دہشت گردی نا ملک آن چٹفنگ اٹ تینا پبی کڑد ءِ ادا کرسا ملک انا شونداری و شونہالی ءِ پک کیک۔ پاک فوج دنیا نا گچین فوج آتیان اسٹ ءِ، اونا سرکڑدہ ئی اعزاز اسے آن کم اف۔ یقینا جنرل عاصم منیر نا کماشی ٹی پاک آرمی مست آن زیات سوگو و فعال ادارہ اس جوڑ مرسا مون آ بریک۔ اوفک جنرل عاصم منیر نا بطور چیف آف آرمی اسٹاف سرسہبی کن نیک است خواہی نا درشانی ءِ ہم کرے۔
