اسلام آباد۔ 29 نومبر (اے پی پی) ایشین انفراسٹرکچر ڈویلپمنٹ بینک انا کنڈآن پاکستان ءِ 500 ملین ڈالر نا مالی کمک دوئی مس۔ وزیرخزانہ سینیٹر محمد اسحاق ڈار سے شنبےنادے آ تینا ٹویٹ اٹی پارے کہ ایشین انفراسٹرکچر ڈویلپمنٹ بینک انا بورڈ انا منظوری آن پد بینک 50 کروڑ ڈالرپروگرام فنانسنگ نا رداٹ اسٹیٹ بینک آف پاکستان آ گدریفینے۔ یات سلے کہ ایشین انفراسٹرکچر ڈویلپمنٹ بینک بریس شونداری پروگرام نا رداٹ پاکستان کن 500 ملین ڈالر نا مالی کمکاری نا پڑو کریسس۔ بورڈ انا منظوری آن پد ہندا زر ءِ پاکستان ءِ دوئی مسنے۔ وزارت خزانہ نا ترجمان پارینے کہ 500 ملین ڈالر نا گدریفنگ آن پد پاکستان نا زرمبادلہ نا کوڑی تیٹی ودکی مریک۔
