مچ آ ملک اٹی 24 گھنٹہ ٹی 3 ہزار 248 کورونا ٹیسٹ کننگا، قومی ادارہ جان جوڑی

اسلام آباد۔ 29 نومبر (اے پی پی) نیشنل انسٹیٹیوٹ آف ہیلتھ (این آئی ایچ) پارینے کہ مچ آ ملک اٹی 24 گھنٹہ ٹی 3 ہزار 248 کورونا ٹیسٹ کننگا، مثبت کیس آتا کچ 0.68درسد ئسک۔ سے شنبےنادے آ این آئی ایچ نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی کورونا دین نا 3 ہزار 248 ٹیسٹ کننگا ہرافتیان 22 بندغ آتا ٹیسٹ مثبت بس، ہندا وڑ مثبت کورونا ٹیسٹ انا کچ 0.68درسد ئسک۔ داکان بیدس داوخت آ کورونا دین آن اسہ ناجوڑ اس زوال وخت اس کہ 32 ناجوڑ آتا حالیت نازرک ءِ۔ چندی شارتیٹی کروک آ کورونا ٹیسٹ و مثبت کیس آتا کچ انا بابت پشاور اٹی تدوک آ 24 گھنٹہ ٹی 171 بندغ آتا ٹیسٹ کرے ہرافتیان 6 بندغ آتا ٹیسٹ مثبت بس و ہموڑے مثبت کیس آتا کچ 3.51درسد ئسک۔ ہندا وڑ راولپنڈی ٹی 527 ٹیسٹ آن 5 بندغ نا ٹیسٹ مثبت بس و کچ 0.95درسد ئسک، لاہور اٹی 405 ٹیسٹ آتیان 3 بندغ آتا ٹیسٹ مثبت بس و کچ 0.74 درسد ئسک وخت اس کہ اسلام آباد اٹی 303 ٹیسٹ کننگا ہرافتیان اسہ ناجوڑ اسے نا ٹیسٹ مثبت بس و کچ 0.33 درسدئسک۔