ترکیہ ءِ پاکستان نا برآمد آتیٹی 14 درسد نا نمو، درآمد آتیٹی 45درسد نا نمان کمتی ریکارڈ

اسلام آباد۔ 29 نومبر (اے پی پی) ترکیہ ءِ پاکستان نا برآمد آتیٹی برجا مالی سال انا اولیکو 4 تُو اٹی سالانہ بنداو تیا 14.20 درسد نا نمو وخت اس کہ ترکیہ غان درآمد آتیٹی 45.80 درسد نا نمان کمتی ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ برجا مالی سال انا اولیکو 4 تُو اٹی ترکیہ ءِ پاکستان نا برآمد آتا کچ 118.41 ملین ڈالر ریکارڈ کننگا ہرا تدوک آ مالی سال انا ہندا مد انا مقابلہ ٹی 14.20 درسد زیات ءُ، تدوک آ مالی سال انا ہندا مد اٹی ترکیہ ءِ برآمد آتیان ملک ءِ 103.68 ملین ڈالر نا زرمبادلہ دوئی مسوسس، اکتوبر اٹی ترکیہ ءِ پاکستانی برآمد آتا کچ 23.41 ملین ڈالر ریکارڈ کننگا ہرا ستمبر اٹی 32.02 ملین ڈالر و تدوک آ سال اکتوبر اٹی 25.57 ملین ڈالر ئسر، مالی سال 2022 اٹی ترکیہ ءِ برآمد آتیان ملک ءِ 354.70 ملین ڈالر نا زرمبادلہ دوئی مسوسس۔ حساب وکتاب نا رداٹ برجامالی سال انا اولیکو 4 تُو اٹی ترکیہ غان درآمد آتیٹی سالانہ بنداو تیا 45.80 درسد نا کمتی ریکارڈ کننگانے۔ جولائی آن ہلیس اکتوبر اسکان نا مد اٹی ترکیہ غان 144.93 ملین ڈالر مالیت نا درآمد ریکارڈ کننگا ہرا تدوک آ مالی سال انا ہندا مداٹی 211.31 ملین ڈالر ئسر، اکتوبر اٹی ترکیہ غان 36.56 ملین ڈالر نا درآمد ریکارڈ کننگا ہرا ستمبر اٹی 27.65 ملین ڈالر و تدوک آ سال اکتوبر اٹی 48.67 ملین ڈالر ئسر، مالی سال 2022 اٹی ترکیہ غان درآمد آتا کچ 943.57 ملین ڈالر ریکارڈ کننگاسس۔