مزن وزیر محمد شہباز شریف  ءَ گوں  چیف آف  آرمی سٹاف  جنرل قمر  جاوید   باجوہ ءِ بروپہ ھیری  گند  ءُ نند

اسلام آباد۔28نومبر  (اے پی پی): مزن وزیر محمد  شہباز شریف ءَ گوں  چیف  آف آرمی سٹاف  جنرل قمر  جاوید باجوہ ءَ گوں دو شمبے ءَ  ادا  بروپہ ھیری  گند ءُ نند  کت۔  مزن  وزیر ءَ  جنرل قمر  جاوید  باجوہ ءِ پاک فوج ،  ملکی  دیمپانی ءُ  راجی سیت آنی واستہ  ازمت آناں  ساڑات۔ مزن وزیر  کارگس ءِ میڈیا ونگ ءِ  نیمگ ءَ جاڑی بوتگیں بیان ءِ رد ءَ  گند ءُ نند ءَ  مزن وزیر  ءَ  جیو اکنامکس  ءِ ارزشت  ءِ   ھوالگ ءَ  جنرل  قمر  جاوید باجوہ ءِ  کرد ءَ  را ساڑات۔  مزن  وزیر محمد شہباز شریف ءَ گوشت  کہ فیٹف ءِ  گرے لسٹ  ءَ چہ پاکستان ءِ نام  ءِ  در کنگ،   کورونا ھوپ ءُ سیلاپ ءَ  ھوار جتا  جتائیں  ڈکال آنی تہءَ جنرل  قمر  جاوید  باجوہ ءِ سروکی ءَ پاک فوج  ءِ دروری  پرز آناں  پیلو  کتگ۔  ناشرکای ءَ را زوت  سر گچل کنگ  ءِ واستہ جنرل قمر  جاوید  باجوہ ءِ سروکی ءَ پاک فوج ءَ ٹوھیں  دلیری  ءَ چہ کرد  پیلو کتگ۔  آئی ءَ گوشت کہ جنرل قمر  جاوید  باجوہءَ تاریخ  ءِ یک سکیں  ساھتے ءَ پاک  فوج ءِ سروکی کتگ۔  پاکستان ءِ دیمپانی ءَ را  لائک  ءُ  مھکم جوڑ  کنگ ءَ جنرل قمر  جاوید  باجوہ ءَ  کلیتی کرد  پیلو کتگ۔   آئی  ءَ گوشت کہ  چپ ءُ چوٹیں  دمگی  جاور ھال آنی رد ءَ جنرل قمر جاوید  باجوہ ءِ  جوانیں  سروکی ءَ چہ  سیکیورٹی جیڈھ آنی گوما گر ءُچیل  جوانیں  وڑے ءَ بوتگ آں۔  مزن وزیر ءَ گوشت کہ پاکستان ءَ  را معاشی  ھاٹیگ  ءِ جوڑ  کنگ ءِ واستہ توامیں سیاسی  ھاٹیگ آناں  جوانیں معیشت  ءِ سر ءَ  دست چنگل   جنان ءَ  یکجائی  دانش ءِ درشان  کنگ  لوٹ ائیت۔   مزن وزیر  ءَ آرمی  چیف ءَ گوں تران  کنان ءَ گوشت کہ  ترا دگنیا ءِ  جوانیں  ارد ءِ سروکی ءِ کنگ ءِ شرپ  گون انت۔  آرمی چیف  جنرل قمر  جاوید  باجوہ ءَ راجی  کار آنی  پیلو  کنگ ءِ رد ءَ گیشاں  چہ گیش  کمک  کنگ ءِ پد ءَ مزن وزیر   ءِ شگر ءُ منت واری  گپت۔  مزن وزیر  محمد شہباز شریف   ءَ  جنرل قمر جاوید  باجوہ ءِ  سرپ ءَ  ناری ءِ  نان  ءِ دعوت  ھم  دات۔  جنرل  قمر جاوید  باجوہ ءَ سرکاری کار آنی پیلو  کنگ ءِ پد ءَ کمک کنگ ءِ پد ءَ  مزن وزیر شہباز شریف  ءِ  شگر ءُ منت واری  گپت۔