اسلام آباد۔ 28 نومبر (اے پی پی) پاکستان اٹی انڈونیشیا نا سفیر ایڈیم ایم ٹوگیو پارینے کہ پاکستان و انڈونیشیا روایتی روایت آتا شونداری کن اواری اٹ کاریم کننگ کیرہ ، ارب آ ڈالر نا روایتی و ہربل دوائی تا صنعت ءِ پٹ وپول و شونداری ترسا مون آ دننگ مریک، ہربل دوائی تا پائیدار کاریم اٹ اتنگ کن اسہ ایلو نا آزموندہ غاتیان فائدہ ہرفنگ نا گرج ءِ۔ داخیال …
پاکستان و انڈونیشیا روایتی روایت آتا شونداری کن اواری اٹ کاریم کننگ کیرہ، انڈونیشیا نا سفیر نا کامسٹییک سیکرٹریٹ اٹی سیمینار آن تران
گیشتریں ھال
اسلام آباد۔ 28 نومبر (اے پی پی) پاکستان اٹی انڈونیشیا نا سفیر ایڈیم ایم ٹوگیو پارینے کہ پاکستان و انڈونیشیا روایتی روایت آتا شونداری کن اواری اٹ کاریم کننگ کیرہ ، ارب آ ڈالر نا روایتی و ہربل دوائی تا صنعت ءِ پٹ وپول و شونداری ترسا مون آ دننگ مریک، ہربل دوائی تا پائیدار کاریم اٹ اتنگ کن اسہ ایلو نا آزموندہ غاتیان فائدہ ہرفنگ نا گرج ءِ۔ داخیال آتا درشانی ءِ او دوشنبےنادے آ داڑے انڈونیشیا نا سفارت خانہ و کامسٹیک نا شریداری اٹ کامسٹیک سیکرٹریٹ اٹی جڑی بوٹی و روایتی دوائی تا پائیدار کاریم اٹ اتنگ و فائدہ غاتا بارواٹی جہانی سیمینار آن تران کرسا کرے۔ سیمینار اٹی ایران، انڈونیشیا و برطانیہ تون اوار جہانی سینٹر کیمیکل و بیالوجیکل سائنسز کراچی یونیورسٹی نا پروفیسرو چاہندار آتیان بیدس پاکستان نا چندی یونیورسٹی تیان بروک آ طالب علم آک بشخ ہلکر۔ انڈونیشیا نا سفیر پارے کہ کورونا دین اٹی و اوکان پد درمان نا روایتی وڑوڈول و گیگ بدل دوائی تا کاریم اٹ اتنگ و پت اٹی بھاز ودکی مسنے۔ اوپارے کہ کورونا دین انا جہانی دین آن پد بھلا دواجوڑ کروک کمپنیک روایتی دوائی و جڑی بوٹی تیان تیار مروک دوائی تا صنعت اٹی نئے بیرہ است خواہی ظاہر کریر بلکن مخلوق ءِ زرکاری نا کنڈآ ہم چکانو۔ انڈونیشیا نا سفیر پارے کہ پاکستان و انڈونیشیا جڑی بوٹی تا نعمت آن مالامال ءُ، ہڑتوم آ ملک آک بھلو پلیٹ فارم جوڑ کرسا اوفتیان فائدہ ہرفنگ کیرہ۔ اوپارے کہ مچ آ دنیا 80 درسد بندغ ہربل دوائی تے کاریم اٹ اتیرہ، نن دا دوائی تا شونداری کن کوشست کین۔ ہربل و روایتی دوائی تا کاریم اٹ اتنگ نا فائدہ و مخلوق اٹ آگاہی ودی کننگ کن سوشل میڈیا ءِ ہم کاریم اٹ اتنگے۔ اوہربل دوائی تا اہمیت ءِ تالان کرسا پارے کہ دانا ہڑتوم آ ملک آتے اقتصادی فائدہ ہم دوئی مریک۔ اوپارے کہ دا بابت روایتی علم ءِ امنا کننگ آن بیدس اودے نصاب اٹ ہم اوار کننگ نا گرج ءِ۔ داکان مست بنجائی دود آن تران کرسا اسلامی کمکار تنظیم (او آئی سی ) نا سائنس و ٹیکنالوجی نا بارواٹی قائمہ کمیٹی کامسٹیک نا کوآرڈنیٹر جنرل پروفیسر ڈاکٹر ایم اقبال چوہدری پارے کہ مچ آ دنیا ٹی تدوک آ منہ دہائی آن رکھ، گچین و چاگڑد دوست جڑی بوٹی تا دوائی تیٹی است خواہی مون آ بسنے۔ اوفتیان زیات تر جڑی بوٹی تا دوائی ہندی دوائی تا نظام اٹ کاریم اٹ اتنگ انگ ءُ۔
