عمران خان نا بیانیہ چٹا، پنجاب و کے پی نا اسمبلی تے تحلیل کننگ آسان اف، عطاء اللہ تارڑ

گوجرانوالہ۔ 28 نومبر (اے پی پی) وزیراعظم نا خصوصی کمکار عطاء اللہ تارڑ پارینے کہ تحریک انصاف میدان تیان پیش تمسا سڑک آتیا بسنے، عمران خان نا بیانیہ داسہ چٹانے۔ دوشنبےنادے آ میڈیا تون گپ وتران کرسا اوپارے کہ ننا برخلاف دہشت گردی نا جعلی مقدمہ اس درج کننگا۔ اوپارے کہ عمران خان ، رانا ثناء اللہ آن خُلسا راولپنڈی آن پدی ہنا، اوفتے ٹی داخہ وس ہم اَلوکہ کہ اسلام آباد اٹی ہنوسر و ریڈزون اٹی پترینگوسر۔ اوپارے کہ عمران خان ننا استیفہ غاتے ہلنگ کن ہناسس ولے تینا استیفہ و تینا صوبائی حکومت آتے بِٹنگ نا پڑو کرسا پدی ہنا۔ اوپارے کہ پنجاب نا بابت نن حکمت عملی اس طے کننگ اُن، دیوان آن پد ن لیگ نا آخبت نا لائحہ عمل نا پڑو ءِ کینہ۔ اوپارے کہ پنجاب و کے پی کے نا اسمبلی تے تحلیل کننگ داخہ آسان اف، دا نت تیان ہلیس کاٹم اسکان دروغ تڑک۔ اوپارے کہ بنجانا ہم فیصلہ ءِ کہ حکومت تینا مد ءِ پورو کیک۔