اسلام آباد۔ 28 نومبر (اے پی پی) بنجائی وزیر حوالکاری و شینکاری مریم اورنگزیب انگلینڈ کرکٹ ٹیم ءِ پاکستان اٹی ٹیسٹ سیریز کن بخیر اٹ پارسا پارینے کہ دا ٹیسٹ سیریز ہڑتوم آ ٹیم و اوفتا مداح تیکن تاریخی ءُ وخت اسے۔ دوشنبے نادے آ تینا ٹویٹ اٹی اوپارے کہ پاکستان 2005ء آن پد اولیکو وار انگلینڈ کرکٹ ٹیم ءِ پاکستان اٹ ٹیسٹ سیریز کن بخیر اٹ پاہک۔ ہڑتوم آ ٹیم و اوفتا مداح تیکن دا اسہ تاریخی ءُ وخت اسے۔ اوپارے کہ ایونٹ نا اڈتننگ کن برطانوی ہائی کمشنر کرسچن ٹرنر تون اوار غٹ بشخ ہلوک آتا کوشست آک ستاکڑزرہ۔ بنجائی وزیر حوالکاری پارے کہ پاکستان و انگلینڈ نا نیام اٹ اسہ جوان ءُ سیریز اسے نا چاری اُن۔
