اسلام آباد۔27نومبر  (اے پی پی):بنجاہی وزیر ءُ چیئرپرسن بینظیر انکم سپورٹ پروگرام شازیہ عطا مری ءَ گوشت کہ موسمی بدلی چہ پاکستان ءِ تہ سیلاپ ءِ آسر ءَ 33 ملین مردم آماچ بوتگ انت،موسمی بدلی یک راستی بوتگ ،مہ امیت کناں کہ میاں اوستمانی براتری اے ھوالہ ءَ گوں سنجیدگ ءِ گاماں چست کن ایت۔بنجاہی وزیر چاگردی رکھگ ءُچیئرپرسن بینظیر انکم سپورٹ پروگرام شازیہ عطا مری   ءَ سپین ءِ شہر میڈرڈ ءِ تہ جاڑی 26 می سوشلسٹ انٹرنیشنل کانگریس ءِ دیوان ءِ تہ بھرزوری کتگ۔بنجاہی وزیر ءَ  سوشلسٹ انٹرنیشنل ءِ ھاسیں دیوان ءِ پدا وتی گوشتانک ءِ تہ میاں اوستمانی تک ءِ سرا برجاھیں جنگ ءُ جیڈھاں چہ آماچیں جنین ءُ زھگاں گوں یکجہتی ءِ درشان کتگ ءُ پاکستان ءِ تہ موسمی بدلی ءِ ھرابیں تب ءِ سرا سرجم ھیال ریچی کتگ۔آہاں گوشت  کہ فلسطین، جموں و کشمیر ءُ سرجمیں دگنیاءِ زالبولءُ زھگاں گوں یکجہتی ءِ درشان کتگ پرچا کہ اودا آہاں را جیڈھانی آسرءَ لٹ ءُ کٹ کنگ بوھگ انت۔موسمی بدل سرا گپ کنان ءَ آہاں گوشت کہ گوزوکیں سال ءَ پاکستان ءِ تہ تباہ کنوکیں سیلاپ چہ 33 ملین مردم اثرمند بوتگ انت ءُ اے بدتریں ھورءُ سیلاپ چہ  650 ہزار لاف پھریں زالبول ءُ  40 لکھ زھگ سک آماچ بوتگ انت۔