اسلام آباد۔27نومبر (اے پی پی):بنجاہی وزیر ھالرسانی ءُ شنگکاری مریم اورنگزیب ءَ گوشت کہ عمران خان ”ار۔ریلیونٹ” بوتگ انت، حکومت عمران خانءِ چار سال ءِ تہ آرتگ ءِ تباہی ءَ را شر کنگ ءِ کوشست کنگ انت،گراں بہائی، معاشی ءُ ڈنی سیادی ءِ تباہی ءُ راج دپتری وام درستیں جیڈھ عمران خان ء، میراث انت۔یک شمبے ءَ وتی بیان ءِ تہ آہاں گوشت کہ حکومت ءِ دلگوشی ایوکا اُلسی جیڈھانی گیش ءُ گیواری انت۔بنجاہی وزیر ءَ گوشت کہ مہ پاکستان ءِ دیمروئی ءُ وشھالی ءِ پدریں ایجنڈا سرا کارکنگ اوں، اے ایجنڈہ ءِ وسیلگ ءَ مہ پاکستان ءِ تہی ءُ دری دگنیا ءِ سرا مئے راجی دلگوشی ءُ سوچ پدر کرتگ انت۔آہاں گوشت کہ تعمیر ءُ تخریب ءِ دوکرد راجءِ دیما انت۔ مریم اورنگزیب ءَ گوشت گچینکاری وھد چہ پیسر ءَ پرچے کنیں؟آہاں گوشت کہ عمران خان ءِ حکومت ھلاس بوتگ اےھاترا گچینکاری ءِ گپاں کنگ انت۔آہاں گوشت کہ عمران خان بنجاھ حکومت ھلاس کنگ پہ اتکگ ات بلے وتی دوئیں صوبگانی حکومت ھلاس کنگ ءِ جار جنان ءَ شتگ ات۔ھالرسانی ءُ شنگکاری ءِ وزیر ءَ گوشت کہ ہچ وڈیں فیس سیونگ پی ٹی آئی ءِ کار نہ کائیت پرچا کہ مہلوک ءَ آہانی راستیں دروشم دیست انت۔آہاں گوشت کہ اسمبلی چہ استعفی دات ہائی کورٹ ءِ تہ دزبندی دیگ، پگھار ءُ مراعات ،گاڑی ءُ گِس واتر نہ کنگ ،جاور بدل بوتگ ات بلے یک مردمے دروگ ،فسادی زہن ءُ ایجنڈہ بدل مہ بوتگ۔
