اسلام آباد۔27نومبر (اے پی پی):بنجاہی وزیر ھالرسانی ءُ شنگکاری مریم اورنگزیب ءَ گوشت کہ مزن وزیر ءِ چارٹر آف اکانومی ءِ وژن ءَ چہ دراھیں ادارگ گہبودی نیمگا روان بنت، پاکستان ءِ66 درسد آباتی30 سال چہ کم سانیں ورناہاں ہمگرنچ انت،ورناہ مئے کیمتی مڈی انت۔اے ھیالانی درشان آہاں “اکنامک افیئرز” میگزین ءِ بنداتی مراگش ءَ گوں تران کنان کتگ انت۔آہاں گوشت کہ مسلم لیگ ن ءِ گوستگیں وھد ءُ پاس ءَ حکومت پاکستان ءَ یوتھ پروگرام ءِ بنگیجی کتگ۔بنجاہی وزیر ءَ گوشت کہ پاکستان یوتھ پروگرام ءِ تہ ورناہاں را زیرو ٹیکس سرا کلدار دیگ بوتگ ات۔آہاں گوشت کہ مسلم لیگ ن ءِ حکومت ءَ وتی گوستگیں وھد ءُ پاس ءِ تہ اے پروگرام چہ ورناہانی ھاترا روزگار ءِ موہ ودی کتگ انت۔ آہاں گوشت کہ اے پروگرام ءِ تہ ورناہاں را ٹیکنالوجی ءَ گوں سمبرینگ وڈیں منصوبگ ھوار اتنت۔بنجاہی وزیر ءَ گوشت کہ کسانیں بیئپارءِ تہ ھم ورناہاں را آسراتی پھجارگ بوتگ۔ مریم اورنگزیب ءَ گوشت کہ پاکستان ءِ 66 درسد آباتی30 سال چہ کم سانیں ورناہاں ھوار انت۔آہاں گوشت کہ ورناہ مئے کیمتی مڈی انت۔بنجاہی وزیر ءَ گوشت کہ مزن وزیر محمد شہباز شریف ءِ چارٹر آف اکانومی ءِ وژن ءَ چہ دراھیں ادارگ گہبودی ءِ نیمگا روان بنت۔آہاں گوشت کہ اکنامک افیئر میگزین ءِ برجاہی پاکستان ءِ 75 سالی مراگش ءِ درگت ءَ کنگ بوھگ انت۔آہاں کڈنی دات کہ اکنامک افیئرز میگزین ءِ سوشل میڈیا ءِ ھوار آن لائن دستیاب بوھگ بہ بیت۔بنجاہی وزیر ءَ گوشت کہ میگزین ءِ تہ انڈسٹری، ٹیکسٹائل، سمال میڈیم انٹرپرائزز ءِ تہ بیوکیں دیمروئی ءَ را دیما آرگ بوتگ انت۔آہاں گوشت کہ بینک ءَ را لوٹ ایت کہ اے رنگیں میگزین ءَ را سپورٹ کن انت۔بنجاہی وزیر ھالرسانی ءُ شنگکاری ءَ میگزین ءِ ہمگرنچ ٹیمب ءَ را ساڑاتگ۔اے موہ سرا سیکریٹری ھالرسانی شاہیرہ شاہد، پرنسپل انفارمیشن آفیسر مبشر حسن ءُ وزارت اطلاعات ءِ دگہ مزن تکے واکدار ھم ساڑی اتنت
