استنبول۔26نومبر (اے پی پی):مزن وزیر محمد شہبازشریف ءِ گوماای سی او ٹریڈ اینڈ ڈویلپمنٹ بینک ءِ صدر ءَ ھپتگ ءَ استنبول ءِ تہ گند ءُ نند کرتگ۔ اے موہ سرا مزن وزیر محمد شہباز شریف ءَ باسک ملکانی دیمروئی منصوبگانی تہ بینک ءِ کرد ءَ را ساڑاتگ۔آہاں گوشت کہ ای سی او بینکءِ گوما پاکستانی کوھنیں سیادی ستا ءِ لایق انت۔مزن وزیر محمد شہباز شریف ءَ اے موہ ءِ سرا گوشت کہ یک اے رنگیں وھد ءَ کہ پاکستان مالی ءُ چاگردی چیلنجزءِ دیمپان انت،اے کمک باز ارزشتدارانت۔آہاں گوشت کہ باسک ملکانی دیمروئی منصوبگانی تہ ای سی او بینک ءِ کرد ستا ءِ لائق انت۔گند ءُ نند ءِ درگت ءَ ای سی او ٹریڈ اینڈ ڈویلپمنٹ بینک ءِ صدر ءَ مزن وزیر محمد شہباز شریف ءَ را سرپد کتگ کہ بینک پاکستان ءِ 150 ملین یورو ءِ وام ءَ ادا کن ایت۔آہاں گوشت کہ اے فنانشل پیکج ھار آماچیں مردمانی کمک ءُ تیل ءِ امپورٹ سرا ھرچ بنت ۔مزن وزیر ءَ ای سی او بینک ءِ کرد ءَ را ساڑاتگ۔
