اسلام آباد۔26نومبر (اے پی پی):ریکوڈک منصوبگءَ را دوبر بندات کنگ ءِ ھاترا بند ءُ بوج ءُ گامگیج ءَ را گڈی دروشم دیگ ءِ ھاترا ہڈ ایپکس کمیٹی ءَ اے گپے سرا تپاک کتگ کہ منصوبگ ءِ یک رندے پدا دوبر بندات کنگ ءِ ھاترا ایر کتگیں رمسءِ تاں گڈی دروشم دیگ چہ میاں اوستمانی زرکارانی اعتماد ءِ تہ ودکی بیت ءُ ملک ءِ تہ روزگار ءِ موہ ودک بنت۔بنجاہی وزیر …
ھزانگ ءِ بنجاہی وزیر ءِ سروکی ءَ ریکوڈک منصوبگءِ ھاترا بند ءُ بوج ءَ را سرجم کنگ ءِ ھوالہ چہ ایپکس کمیٹی ءِ دیوان
گیشتریں ھال
اسلام آباد۔26نومبر (اے پی پی):ریکوڈک منصوبگءَ را دوبر بندات کنگ ءِ ھاترا بند ءُ بوج ءُ گامگیج ءَ را گڈی دروشم دیگ ءِ ھاترا ہڈ ایپکس کمیٹی ءَ اے گپے سرا تپاک کتگ کہ منصوبگ ءِ یک رندے پدا دوبر بندات کنگ ءِ ھاترا ایر کتگیں رمسءِ تاں گڈی دروشم دیگ چہ میاں اوستمانی زرکارانی اعتماد ءِ تہ ودکی بیت ءُ ملک ءِ تہ روزگار ءِ موہ ودک بنت۔بنجاہی وزیر ھزانگ سینیٹر محمد اسحاق ڈار ءِ سروکی ءَ ریکوڈک منصوبگءِ ھاترا بند ءُ بوج ءَ را سرجم کنگ ءِ ھوالہ چہ ایپکس کمیٹی ءِ دیوان ھپتگ ءَ ادا برجم بوتگ۔ھزانگ وزیر ءَ منصوبگ ءِ ھوالہ چہ گامگیج ءِ ارزشت ءُ اے ھوالہ چہ 15 دسمبر ءِ ڈیڈ لائن ءَ چہ پیسر ءَ دراھیں گامگیج ءَ را گڈی دروشم دیگ ءِ سرا زور مان کتگ۔ کمیٹیءَ را سرپد کنگ بوتگ کہ سپریم کورٹ ءِ پنت ءُ شون ءِ ردا الم ءِ کانودی گام چست کنگ بنت اے مکسد ءِ ھاتراہمگرنچیں صوبائی حکومت ءِ گوما سرجم رھوت انت۔ دیوان ءِ تہ اے گپے سرا ھم تپاک کنگ بوتگ کہ ہمہ گام آنی سرا تپاکی بوتگ آہاں پہ وھد سرا برجم کنگ چہ میاں اوستمانی زرکارانی اعتماد بحال بیت۔دیوان ءَ را سرپد کنگ بوتگ کہ ریکوڈک پراجیکٹ ءِ دوبر بنداتی چہ ملکی معیشت ءِ تہ ترندی کائیت وھدیکہ زرکاری ءِ تہ ھم ودکی بیت ایشی ءَ چہ روزگار ءِ موہ گیش بنت۔دیوان ءِ تہ بنجاہی وزیر اقتصادی امور سردار ایاز صادق ،مزن وزیر ءِ ھزانگ ءِ ھاسیں کمکار طارق محمود پاشا، ڈی جی ایم آئی میجر جنرل افتخار حسین چوہدری، ڈائریکٹر ایم آئی بریگیڈیئر عاطف اشفاق، ایڈیشنل اٹارنی جنرل احمد عرفان اسلم، اٹارنی جنرل آفس ، پٹرولیم ڈویژن ءُ ھزانگ ءِ وزارت ءِ ٹوھیں واکداراں بھرزوری کتگ۔ایشی ءِ ابید چیف سیکرٹری بلوچستان ءُ بلوچستان حکومت ٹوھیں واکدار ھم دیوان ءِ تہ ساڑی اتنت۔
