ترک بزنس مین پاکستان ءِ تہ زرکاری ءِ موہ چہ سرجم نپ ءَ چست کنان ءَ ھاٹیگءِ شوبگ ھاسکر رینوایبل سورسزءِ تہ زرکاری ءَ کن انت،مزن وزیر محمد شہباز شریف ءِ ترک بزنس مین ءِ گوما گپ ءُ تران

استنبول۔26نومبر  (اے پی پی):مزن وزیر محمد شہباز شریف ءَ ترکیہ ءِ بزنس مین آنی سرا زور مان کتگ کہ آں پاکستان ءِ تہ زرکاری ءِ موہ چہ نپ ءَ چست کنان ءَ ھاٹیگ ھاسکر رینیوایبل وسیلگ ءِ تہ زرکاری ءَ کن انت، حکومت پاکستان آہاں را اے ھوالہ ءَ سرجم کمک پھجارایت۔مزن وزیر ءَ اے ھیالانی درشان ھپتگ ءَ استنبول ءِ تہ ترکیہ ءِ نامداریں بزنس مین ءَ گوں ون آن ون گند ءُ نند کتگ انت۔مزن وزیر ءِ گوما گند ءُ نند ءِ تہ پاک یاتریم ، انادولو گروپ، زورلو اینرجی، البیرک ءُ گوریس ہولڈنگز ءِ ڈل آنی راھشونی اے کمپنی آنی واھگاں ءُ سی ای اوز ءَ کتگ۔مزن وزیر ءَ پاکستان ءِ معیشت ءِ دیمروئی ءِ تہ ترکیہ ءِ پاکستان ءِ تہ کار کنوکیں بیئپاری ادارگہانی کرد ءَ را ساڑاتگ۔مزن وزیر ءَ بیئپارانی سرا زورمان کتگ کہ آں پاکستان ءِ تہ زرکاری ءَ کن انت،آہاں ترکیہ ءِ بیئپاراں را حکومت پاکستان ءِ سرجم کمک ءِ سدکی داتگ۔ ترک بزنس مین ءَ مزن وزیرءِ اے گام ءَ را ساڑاتگ ءُ دونیمگی بیئپارءُ اقتصادی سیادی ءَ را گیش دراج کنگ ءِ تہ وتی کرد برجاہ ایر کنگ ءِ سدکی داتگ۔