کوئٹہ۔25نومبر (اے پی پی): بلوچستان حکومتءِ جارچین فرح عظیم شاہ ءَ گشتگ کہ ہارءِ تباہ کاری ءِ پد بحالی ء ُ ریلیف ءِ کار برجاہ اَنت، درملکی ڈلانی بلوچستان ءِ ترء ُتاب کنگ ہمے گامگیجانی بہر اَنت، بلوچستان ءَ آسراتی ءِ کمی اِنت، جیڑہء ُجنجا ل گیش اَنت بلے مئے گورءَ آسراتی نیست، بلوچستان حکومت ورناہ آناں روزگار دیئگءَ اِنت۔ اے ھیالانی درشانی آئی ءَ جمعہ ءِ روچءَ کوئٹہ پریس کلب ءَ پریس کانفرنسءَ گوں تران کنانءَ کتگ، بلوچستان حکومتءِ جارچین فرح عظیم شاہ ءَ گشتگ کہ بلوچستان ءَ ہارءَ چہ بوتگیں حرچانی حسا ب کشگ بوتگ، بلوچستان ءَ جیڑہ باز اَنت بلے آسراتی ءِ کمی اِنت۔ آئی ءَ گشتگ کہ بلوچستان ءِ سروزیر میرعبدالقدوس بزنجو ورناہ آناں روزگار ءِ موہ دیئگءَ اِنت، محکمہ ایس ایس جی ڈی ءِتہا 804 پوسٹ وہدے کہ بلوچستان اسمبلی سیکرٹریٹ ءُ ایم پی اے ہاسٹل ءَ 200 آسامی آنی سرءَ بھرتی کنگ بنت، بلوچستان ءِ جارچین فرح عظیم شاہ ءَ گشتگ کہ اگاں آسراتی براسیت گڑا بلوچستان ءَرا پیرس جوڑ کناں، زالبولاناں وت واک کنگءِ ھاترءَ گامگیج چست کنگ بوہگءَ اِنت ، اے ہوالگءَ ٹربت ءَ گرلز کیڈٹ کالج جوڑ کنگ ءُ جانءُ سلامتی ءِ آسراتی ءِ سرکنگءِ ھاترءَ جانءُ سلامتی کارڈ دیئگ بوہگءَ اِنت وہدے کہ کوئٹہ ءَ زالبول پولیس اسٹیشن جوڑ جوڑ کنگ بوہگءَ اِنت۔ فرح عظیم شاہ ءَگشتگ کہ تربت ءَ گرلز کیڈٹ کالج ءِ جوڑ کنگ ءُ جانءُ سلامتی ءِ آسراتی ءِ سرکنگءِ ھاترءَ جانءُ سلامتی ءِ کارڈ دیئگ بوہگءَ اِنت۔
